D Westküste vo de USA isch eis vo eusne wiitischte Reiseziel gsi. Im Summer 2019 simmer für zwei Wuche in Los Angeles und Las Vegas gsi. Eusi Reis hät au en Abstächer nach Hollywood und Venice Beach beinhaltet. Mit eme Mietauto hämmer vieles gseh, vo touristische Plätz bis zu eher iiheimische Ort, wie e Freiluftbar à la Gerolds Garden. Natürli hät da debi au en Spaziergang über de «walk of fame» nöd dörfe fähle. In Las Vegas isch en Casinobsuech es Muss gsi. Mit eme zwüscheziitliche Plus vo 200.- isch am Schluss doch es Minus resultiert. Natürli hät au en Abstächer in Grand Canyon nöd dörfe fähle. Mit eme Helikopter vo Las Vegas us hämmer en atemberaubende Flug id Tüfi vom Grand Canyon und wieder zrugg dörfe gnüsse.
